~ jom kito masak2..makan2.. ~

firdaruddin · Post time 31-1-2007 07:11 PM

meh lqa masak...kito buek gathering..mintak kuchenta81 ni tolong masak 'an..

kuchenta_81 · Post time 2-2-2007 10:43 AM

Originally posted by firdaruddin at 31-1-2007 07:11 PM
meh lqa masak...kito buek gathering..mintak kuchenta81 ni tolong masak 'an..

amboi..amboi..

den lum terer la nak masak banyak2 nih.. takat tokak den sorang buleh la.. hehehe..
sogan den..

kuchenta_81 · Post time 2-2-2007 11:01 AM

smalam den sompek balik kampung jap... rindu sguh ngan mak den...

so, smalam masak kek kampung ler.. tu pun masak cincai2 yo sbb banyak mende nak buek... maklum balik sehari yo...

mak den jumpa cendawan busut then dio simpan tuk den...heheh..

cendawan busut masak cili api berserai... pergh...

ikan sembilan goreng bercili...

ni sayur kacang buncis goreng campur sotong..

memang kelam-kabut masak sobab nak kojar maso... dah tu ada mende lain plak nak buek.. jadik, masak simple, cincai yo lah...hehehe..

selamat menjamu mato..

acidns · Post time 2-2-2007 11:18 AM

Originally posted by kuchenta_81 at 2-2-2007 11:01
smalam den sompek balik kampung jap... rindu sguh ngan mak den...

so, smalam masak kek kampung ler.. tu pun masak cincai2 yo sbb banyak mende nak buek... maklum balik sehari yo...

mak den j ...

lain kali kalau ekau nak balik kg ajakla den balik sekali dapek ngaso makan bakal mak mentuo..keh..keh

kuchenta_81 · Post time 2-2-2007 11:48 AM

Originally posted by acidns at 2-2-2007 11:18 AM

lain kali kalau ekau nak balik kg ajakla den balik sekali dapek ngaso makan bakal mak mentuo..keh..keh

ler...nape tak cakap nak ikut den balik??? hehehe..

rayo cino den balik, jom la ikut...muahahhaa..

acidns · Post time 2-2-2007 12:51 PM

Originally posted by kuchenta_81 at 2-2-2007 11:48

ler...nape tak cakap nak ikut den balik??? hehehe..

rayo cino den balik, jom la ikut...muahahhaa..

ok set..nak tunggu ekau kek mano??nk tuggu kek pokan senaling ko??

firdaruddin · Post time 2-2-2007 03:08 PM

uii...sodap eh...

kuchenta_81 · Post time 2-2-2007 03:12 PM

Originally posted by acidns at 2-2-2007 12:51 PM

ok set..nak tunggu ekau kek mano??nk tuggu kek pokan senaling ko??

tgu den kek basten somban bleh??? hehehe..

kuchenta_81 · Post time 2-2-2007 03:13 PM

Originally posted by firdaruddin at 2-2-2007 03:08 PM
uii...sodap eh...

ekau sumo yang sodap...

acidns · Post time 2-2-2007 04:15 PM

Originally posted by kuchenta_81 at 2-2-2007 15:12

tgu den kek basten somban bleh??? hehehe..

ok nanti set pukul brapo??

firdaruddin · Post time 2-2-2007 05:45 PM

Originally posted by kuchenta_81 at 2-2-2007 03:13 PM

ekau sumo yang sodap...

dah memang sodap..nak buek camno....

Anak_Nogori · Post time 2-2-2007 11:23 PM

Originally posted by kuchenta_81 at 2-2-2007 11:01 AM
smalam den sompek balik kampung jap... rindu sguh ngan mak den...

so, smalam masak kek kampung ler.. tu pun masak cincai2 yo sbb banyak mende nak buek... maklum balik sehari yo...

mak den j ...

Condawan busut tu kalau dighobuis pun sodap..boh sorai ngan ikan bilih, bawang merah ngan bawang putih..boh cili api sikit..hirup kuah eh..umang ai sodap eh.

kuchenta_81 · Post time 3-2-2007 01:40 PM

Originally posted by Anak_Nogori at 2-2-2007 11:23 PM

Condawan busut tu kalau dighobuis pun sodap..boh sorai ngan ikan bilih, bawang merah ngan bawang putih..boh cili api sikit..hirup kuah eh..umang ai sodap eh.

haah.. tu den pangge singgang/rebus...
tp den bubuh serai, serbuk kunyit, lado api, garam yo... buek podeh2.. umang aiiii... sodappp...
hirup kuah paneh2.. adehhhh...

Anak_Nogori · Post time 3-2-2007 03:31 PM

Ni den cubo bori rosopi rondang pucuk paku pinang ( pucuk paku pinang ni yg jonis panjang dan hujung dio bogulong tu )

1. Porahan nior sobijik sotongah( sobab pucuk paku ni kuek makan nior )
2. Tumbok cili api, kunyit hidup, bawang merah( socukup raso )
3. Ikan bilis.
4. Kalau tak mahu ikan bilis, boleh bohkan ikan kurau masin.
5. Garam secukup rasa.
6. Pipir pucuk paku..ambil yg lembut2 sahaja...basuh sampai bersih.

Masak kalau buleh pakai kayu api..lagi kaw..lai pun nak masak lauk ni..kono koreng sampai naik taik minyak eh.

Masak santan...dah naik sikit..boh yg ditumbok tu tadi spt cili api, kunyit dan bawah merah...dah mendidih..masukkan pucuk paku tu tadi..kacau gulai tu selalu supayo dio sobati dan tak copek naik taik minyak eh...lopeh tu masukkan ikan bilih atau ikan kurau tu tadi..kacau lagi..boh garam plak..kacau selalu...sampai botol2 nak koreng dan gulai tu dah nampak kaler eh macam dah hijau.

Lopeh tu boleh lah diangkit..leh simpan lam freeze selama seminggu..boleh dimakan..dio tak basi.

Anak_Nogori · Post time 3-2-2007 03:38 PM

Kalau makan tompayok lak..ni den bagi rosopi mudah dibuek.

1. Tompoyak 2 sudu bosa.
2. Ikan bilis jonih bosa.
3. Potai kalau suko.
4. Lado api.
5. Bawah merah.
6. Minyak sawit/nior.
7. Garam

Lado api/bawang merah ditumbok sampai hancur.

Jorang kuali sampai panas..masukkan minyak...jangan banyak..ikut sukatan tompoyak tu...masukan cili api dan bawang merah..masukkan ikan bilis..kacau sampai gareng..masukkan potai..lopeh tu masukkan tompayak dan garam..tunggu sampai tompoyak monjadi cokolat..baru angkit.

Rosopi ni sobonar eh..utk mombuka selero.

Solamat monjamu.

jijan · Post time 3-2-2007 10:45 PM

Originally posted by Anak_Nogori at 3-2-2007 03:38 PM
Kalau makan tompayok lak..ni den bagi rosopi mudah dibuek.

1. Tompoyak 2 sudu bosa.
2. Ikan bilis jonih bosa.
3. Potai kalau suko.
4. Lado api.
5. Bawah merah.
6. Minyak sawit/nior.
7. ...

br baco resepi lum masak laie, ai mmg sodap ni....

Anak_Nogori · Post time 4-2-2007 02:34 PM

Originally posted by jijan at 3-2-2007 10:45 PM

br baco resepi lum masak laie, ai mmg sodap ni....

Den kalau orang ghumah den outstation..den masak cincai camtu jo..lopeh tu den goreng ikan kombong..boh kicap sikit..mesti bopoloh nyo..

kuchenta_81 · Post time 5-2-2007 12:15 PM

Originally posted by Anak_Nogori at 4-2-2007 02:34 PM

Den kalau orang ghumah den outstation..den masak cincai camtu jo..lopeh tu den goreng ikan kombong..boh kicap sikit..mesti bopoloh nyo..

waaaa... sodap tuh...
tak saba den nak balik kg mgu dopan.. nak makan pueh2...