Villa Burak Waghieh V [Pondok Bughak D'9]

lynna164 · Post time 22-5-2009 05:12 PM

Originally posted by pilahdelpia at 22-5-2009 16:45
wokeyyy... nk beghansur dulu...
c uols next mondei....
tata...

c u..

lynna164 · Post time 22-5-2009 05:13 PM

hah.. abih dah den jawab..

kuarlah..

salam

kmkd · Post time 22-5-2009 06:37 PM

Kalau bertandang ke bumi adat,
Ikut aturan jangan di sanggah
Hidupnya kito dilingkung adat,
Matinya kito dikandung tanah

Dari Koto poie Soghomban,
Nak daro cantik laei menawan,
Kut torsilap kato kito dihamunkan,
Duduk ontok-ontok jangan melawan

Dongan orang tuo jangan mombohong,
Takut disumpah jadi keparat
Bulatnya air kerana pemotong,
Bulat kato kerano mufakat

Kalau dah duduk di bumi adat,
Biarlah padi dari lalang
Pado yang bongsu dibori mandat,
Silap lari solai sopinggang

Kampong Lado, Tanjung Sonong,
Ulu Sopori, Kampung Pematang
Kito nyomondo tak ado kuaso,
Suruh poei dipanggil datang

Cucunya sayang nak mulo belajar,
Antar sekulah, sekulah tadika
Balik bojomput poie berantar,
Cucu dikundang ateh basikal

Ingat nak pencen sudahlah sampai,
Umah pusako kito botulkan
Kito nyomondo bak buah rambai,
Tanah pusako bagai durian

Bilo kito sudah besaro,
Duit pun sikit kurang kuaso
Tak tahan daulat tanah pusako,
Berangkeklah balik ke porak kito

Hati gajah samo dilapah,
Hati kuman samo dicincang
Sayangkan bini hormat montuo,
Beradat bilo monyomondo

Tido baring besamo cucu,
Atuk dah mulo monjoling-joling
Ditopi Uwan di tongah cucu,
Atuk kono tido mongereng

Belago kono dihimpap rumah,
Kito kono duri durian
Kito nyomondo di bumi adat,
untung nasib tuahnya badan

Batu godo, batu tanggo,
batu giling, batu nesan
Tak tahan daulat tanah pusako,
lobih baik pocah sompadan