cari keluargo ibu susuan orhang pilah

uwan

salam.  kawan uwan dari perak nak cari keluargo ibu susuan eh. kato eh orhang pilah. dah pueh uwan tanyo2 orhang kek kg uwan . takado yang kona. mentelah pulak pilah tu kan bosar jugak. namo ibu susuan tak pulak dio ingat. abah susuan eh tu kalu idup lai mosti dah dokek2 atau lobih 80 taun. dio bokeh askar. namo eh abd rahman kassim. ado adik bokeh askar yo namo razak kassim. kalu ado anak cucu cicit sedaro maro rakan taulan yang kona beliau2 ni, tolonglah bagi tau uwan yo. bukan apo. kawan uwan ni kono cari jugak ateh wasiat omak eh yang baru meningga. takut2 nanti anak cucu dia nanti  terkahwin sedara kodin. wassalam

nizam_syah82

kampung ingat..area mano

pilah ni ado

-johol
-juaseh
-pelangai
-ulu bondol
-terachi
-tanjung
-sri menanti..
dan lain2..
banyak area eh tu???kot spesifik bleh orang tau kan skit..

uwan

2# nizam_syah82
tk bagi respon. tu lah yang uwan tak dapak nak kato tu. ni kiro main teropo yo ni. nasib2lah. bbrapa bulan lopeh ado oghang bori klu kek terachi. apo lai kawan uwan ni teruih yo poi sanun tanyo balai, pengulu, tok imam, oghang kg. tapi hampo. uwan sendiri dah tanyo kek bhgian rekod mindef ....malang eh dlm fail ado namo yo takado butir2  lain.  dio arang kato dio mungkin askar kerahan  maso jopon dulu atau seangkatan dongan leftenan adnan atau kapten hassan. yang kawan uwan ingat iolah adik abah susuan dio ni si razak kassim tu pemain bola sepak askar zaman diolah.  sesapo ado waghieh askar jaman2 jopon tu lai kalu tak nyusahkan tanyo2lah yo.

nizam_syah82

pueh nak carik tu..panjang sejarah ehh..

uwan

salam.  
susah yo nak cari oghang berkonaan yo. tapi apo nak buek, tu yo maklumat yang ado. nak masuk paper susah lak nanti kok oghang yang dicari terkojut pengsan ngan publisiti. kang ado lak yang kono saman,  mano nak tau. uwan dan kawan pun tak bersedio lak nak jadi pemes satu malaya. kang pakai sempoi2 dan naik bas pun dah tak sinang lae.
canno pun uwan masih optimistik, ngan pertolongan waghieh2 bosar kocik tuo mudo, satu hari nanti kawan uwan ni akan dapek yo jumpo keluarga ibu susuan dio nanti... ialoh harap2 sobolum mato terkatup. wallahualam

uwan

salam.

dah masuk 15 hari  jojak kasih ni. ado mungkin agak eh oghang yang berkonaan,  lopeh2 beronti khidmat askar toruish bermestautin di tompek last dia tingga...  ado tak sesapo sedaro yang aktif persatuan bokeh tentoro kek nogori sembilan ni...kek somban dah tanyo, takdo yang tau gak.  hmmmmmmm

nizam_syah82

masuk paper yo lah uwan..payah carik camni..

uwan

salam.

takpo lah. uwan  kono ikut dan respek kohandak tuan punyo badan.  no no publisiti bosa2. kito bagi yolah maso sebulan duo lae. lopeh tu kito tutup yo buku yang kek sini. yang kek sini yo.usoha lain totap diuruskan polan2. uwan tau ekau sumo mosti excited gak ending cito ni kan.....macam drama tergantung yo ending eh.

dikdang

uwan,
ado apo2 infor tak pasal dio macam nikah sapo oghang manor atau laie elok kalau dapek post gambar eh tak,mano tau kok buleh nolong...

uwan

salam
dikdang,  uwan takdo apo2  maklumat   lain. gamba pun tak ado.  ini kes dioghang   terpisah sobab askar kan selalu pindah randah.  maso tu kalau ado pun gamba  agak eh  dah  lokang dan kabur   uwan sekarang pun pantang jumpo askar  lamo n9  tontu  uwan tanyo2  lae. tapi tu lah bolun  strike lae.

dikdang

kek kg seh ado sorang dulu namo eh rahman tapi bin eh tak tau pulak...
dah arwah..seh dulu selalu gak citor2 ngan dior...tapi dior nih loghat macam oghang perak....rupo eh macam latib borgiba plak skit...hehehe...sorryyy.

uwan

armarhum en rahman tu ado ko adik namo razak.  askar ni banyak merantau tontu macam2 bahaso  dio  boleh cakap.  biaso eh cakap utaro tu yang mudah jadi ikutan.  kawan uwan tu kan oghang utaro.   mano toboh umah dikdang ni agak eh.  nanti  uwan tanyo kawan uwan tu pasai rieh2  apak  `angkat'  dio tu.  tu pun kalu dio ingat.  takut nanti  dio pi teropo  toruish   sanun lak.  oh ya. dio ado bai tau omak susan eh tu putih macam rupo2 cino sikit.

dikdang

bolah senaling mah seh